"morgen"-report

Salli Dani und alli wo do mitläse

Jetzt bin ich au langsam wieder wach und ha einiges an Schlof wo letst Wuche gfählt het nochgschlofe.. Wie Du in de letste posts gsehsch, sin mr gest im Pääädddiiisss gsi =). Aber mol dr Reihe noch....
Irgendwenn am Fr. z'Obe han ich e MSN message vo dr Sarah kriegt, ob ich au würd mitko ins Papajoe's, d'Sandra käm evtl. au... Natürlich ha ich die message (wieder mol vorem compi pennt) erst viel spöter gseh und ha denn per SMS gfrogt wenn und wo.... also hän mr abgmacht uf die halb 1 bi de Telefonkabine... D'Sarah isch denn pünktlig uftaucht und mr sin ins Galileo's ghoggt. Die Servierdüse dört het biz e hörproblem gha (nei ich ha ihre kei Cochlea Implantat verkauft..) und het e Zytli gha bis sie dr Sarah e Amaretto Sour bringe het könne. Ich ha e Himbo-Drink mit Zitronegschmack gha (höhö.. insider). D'Sandra hätt schyns grad sölle koh =) isch aber no an eme Geburtstag gsi. Mir sin denn uf die viertel ab 1 wyter in richtig Heuwoog, ebbe DÖRT aane =). Mr sin zerst obe biz ane ghoggt und hän gredet und dr Musig zueglost. Irgendwenn sin denn no dr Michi und dr Dave drzue koh (denn sin d'Föteli unde dra entstande). Mir sin denn downstairs gange, wo wie immer 10grad wärmer gsi isch und e mega gedrugge. Dr Kevin het ufglegt und vieli Lieder sin erst grad obe glofe... mir sin denn umegstande und hän em Volk zuegluegt.. und irgendwenn so uff die 4i hän mir d'Jacke gholt (jä, es isch wieder biz früscher worde) und sin gange...
Kuum sin mir dusse gsi vorem paddys gsehn mir d'Sandra und dr Benedikt... öööhh.... jetzt sin mr doch grad gange =) also ab wieder yyne. Wie das an 30ste Geburtsdääg halt eso isch (hehe) kunnt me vo dört meistens ziemlig verlade =)))) mr sin denn vielicht nomol 45min im Paddys gsi und denn richtig Parkhuus. (letzts Föteli Sandra & ich im Parkhus). Ich ha denn Sarah und Sandra no heim brocht und nachdäm ich e Parkplatz bi mir vorem Huus gfunde ha sofort go schlofe....
Jo, so isch das also gsi gestert =) bis jetzt han ich vo de beide andere no nüt ghört. D'Sandra het an e Hochzit miese... aber das kah sie jo sälber blogge ;-)