ich scho wieder...

was das mit de 30ste geburtsdääg so uf sich het???? KEI AHNIG HEY, ich bi jo no laaaaaaaaang nid 30... höhö.. aber frog mol dr fränci wie das goht an de 30ste =)))))))))
Also nur zum euch no biz öp-tu-däit halte... hüt hets zerst mol usschlofe gheisse (bis am 3, denn öpis kocht und witerpennt bis am 8i) haha.. has schynbar nötig gha ;-) denn ins 3spitz billiard center go ässe.. dr koch dört het e dürüm gmacht, wirklig sehr fein.. nid so fastfood dürüm wie usem steinegrill.. mit sälber gmachtem daig und lammfleisch und sälbergmachte sauce... mmhhh.. krieg grad wieder hunger =). was au no guet gsi isch an däm teil: me stinkt nid so zur frässi us nochhär. aaschliessend bini schnäll ind bronx bar und denn rasch ins sixty (jo, shame on me). Dört isch d'musig zerst super gsi, aber leider nur 2 lieder lang, denn ischs bärg ab. Ich bi denn dört so umegstande wie bstellt und nid abgholt und denn isch plötzlich eini zue mir koh, het mr irgend sone drink aaneghebt (gin tonic???) und gseit: los, trink das... denn wirds besser! hahahaha... mr hän denn no biz gschnuurt und denn isch sie mit ihrem fründ gange... pfff..... egal, ufem wäg richtig steineparking lauft me jo zwangsmässig bim paddys vorbyy, also han ich dört au no schnäll ine gluegt. zerst hani dört dr marcel gseh und nochhär dr benedikt. an däre stell muesi nomol erwähne dass ich wirklich sehr stolz uf dr benedikt bi.. är hets gschafft e ganzes weissbier z'drinke (!!!) also benedikt, nomol zum lerne:
Guinness = Stout
Normals Bier = Lager
Kilkenny/Newcastle = Ale
Weizen/Weissbier = Weizen, White beer (?)
also nägstmol Lager bstelle, nid white beer =)
so, und da ich dir das jetzt so toll bibrocht ha, dörfsch du mir am zischtig e paar kartetricks zeige... am beste lektion 1: wie halte ich diese vielen karten ohne dass sie aben fliegen.
so ich gang jetzt go penne... es isch 4i und morn äh hüt... sage mr spöter... isch jo das supi picknick mitem gschäft wo sich d'sandra au scho so druf freut.... GÄLLLLLLL!!!??!
Guet Nacht zämme ;-)