Gedanke

Bi jetzt grad hei ko, bi anere "kliene" Ueberraschigsgeburtstagsparty gse mit ca. 35 Luet. Isch eigentlich no ganz luschtig gse und isch vil glacht worde, je spoeter dStund umso mehr natuerlich.. Ich ha natuerlich wieder nid koenne trinke will i wieder emol e Tablette-Cocktail gno ha. Isch vilicht nid grad ganz eso krass (voll-grass..) wie wenn de im Paddys niechtern bisch aber doch halt anderscht wenn alli rundherum scho eine sitze haend. Gege Schluss (also bevor und us welem Grund mir denn au gange sind) het eine vo de beschte Kollege vom Alejo wo er sit dr Kindheit kennt e Red ghalte, isch ca. 15 Minute gange bis er losworden isch was er het welle loswaerde waegen unahstaendige Unterbraechige, hehe. Dae Kolleg het e spanischi Fruendin mit deren er vor kurzem Schluss gmacht het wil sie ihn verarscht het, und praktisch keine vo dene Kollege mag sie aus us andere Gruend nid (sie behandlet ihn wie Scheisse und befielt ihn umenander etc.... Sogar sini Familie mag sie nid und ich find sie au nid grad dr Hammer aber us andere Gruend). Zruck zur Red> Ploetzlich seit er dass er sini Fruendin huerote wird und in ca. 5 Moenet in en anders Land zieh waerde wil sie fuer d'UNO schafft und versetzt wird. Es isch ploetzlisch einfach nur still gse und keine het die beide so richtig gratuliert, isch voll schraeg gse. E paar haend glaub richtig e Schock ka (glaubs 98%), dr Alejo au. Er hets so toll gfunde dass mir gange sind. Obwohl er seit er doerf sich nid drimische und es isch au nid si Problem isch hets ihn voll mitgno, isch nuem wirklich zum Lachen ufglegt. Naja, ich ha mir vorgstellt wie das waer wenn eini vo mine beschte Kolleginne sich miteme Idiot wo sie manipuliert verhuerote wuerd................ hmmmmmmmmmm.... kasch jo nuet mache, nur akzeptiere und somit respektiere. Weiss halt au nid, het mi aber zum Daenke brocht die ganzi Szene.

Themawaechsel: Ha huet uebrigens wieder emol Lord of the Rings gluegt (dr 2. und dr 3. Teil, dr 2. hanni geschter scho so halb gse). Ha dae Film glaubs scho ca. 10 mol gse, bruch aber no d'Extended Version. Isch einfach genial, ich lieeeeeeeeeeeeb die Trilogie. E Film wo so vil Usseit ueber d'Menschheit... s'Boese und s'Guete, Macht und Unschuld, Liebi, Verzeihig, Versuechig, Loyalitaet und Zaemmehalt, Hoffnig, Fruendschaft, wie schnaell dr Mensch vom guete Waeg ka abko, Laebe und Tod etc. etc etc etc.............. halt einfach dr Oberhammer!!! Ich glaub morn luegi alli 3 nomol, hehe....

So, gang go Film luege (LOR?), bi mied!