Update vo hüt m orge, kei ahnig welles datum

Hallo zämme
e wunder find ich die site no.. zum glück gits bookmarks!!!!
also so als zämmefsasig wo ich hüt gsi bi (mitem patrick).
1. ca, 22h ind bronx bar.. paar vo däne ströng vodka vo mim geburtstag (die wo drby gsi sin wüssed was das heisst)
2. ins paddys ca. am 2 oder so. dört paar vodkaorange (well dör redbull extra kostet¨!!!) dört denn michi und dave troffe... sunst niemerts dört... schweinerei!!!! schinbar alli in däm schwulepark wo me mues itritt zahle... nei danke! im paddys nüt los dorum ab ins sixty (isch jo extrem viel besser... hhahaha) hauptsach ich ha jetzt sone geile stämpel ufem arm wo 4 wuche nüm wäg goht (in spital krieg ich dänk antibiotika drgege, well sie meine es seig e tumor....). dr patrick und ich hän dört bi dr marina (föteli folge no..........kei angst, sie isch verhürotet... glaubi... egal) chicago gspielt. das natürlich um shots.... solang bis ich kei stutz me gha ha. und ich bi nid m it wenig stutz ind stadt!!!!!!!!! puuh.. jedefalls sin mir denn so ca. am 5:30 use gange und dr patrikc het sis velo gsuech d und ich e taxi... ha zerst no welle bim paddys dureluege zum luege wär dört alles use lauft, aber die taxi vom barfi fahre immer dä hügel duruf wo dr 3er fahrt also gohts nid dört vorbi... TJA Päch für alli wo hän welle mitfahre!!!!!!!!!!!!!!!!!!!! jo also und jetzt bini deheim, punkt 5:40 schrib ich dä quatsch do, wo jedoch dr absulute wohrheit entspricht... hahaha...

was gits drby neus??
naja .. nid viel ehrlich gseit. ah doch.. dr patrick und ich hän dart gspielt gege e paar (liga-)spieler (tschöss bis cih das jetzt mit däne klammere und strich aane kriegt ha!!!) dart gspielt. und mir hän NIE verlore.... d.h. immer het öpper anders miese e rundi shots zahle. und 's grusige dra isch dass mir e neue shot kenneglernt hän: Wöschmaschine. das schmeckt so, wie's heisst!!!! igitt..... zerst nimmt me e päckli zucker ind schnuure, denn shottet me drüber e shotglas lime-juice, und denn sone grusige burbon-whiskey......................... kotz....
also aber bevor ich mi dra erinnere wie hässlig das gschmeckt het gangi jetzt go penne..... ka h dänk eh nid schlofe nach däne mind. 6 redbull........... aber egaaaaaaaaaaaaaaaaaaaaaal.... probiere kah me's jo mol... also.. liebi lüt.

guet nacht


schnarch!è

Foeteli Venezuela

So und do sind also no mehr Pics vo Venezuela. Dae Blog hani geschter eigentlich scho parat ka aber uf eimol hets mir alles gloescht. Am halb vieri am morge hani denn daenkt ich gibs uf..

Also, links ich und dr Alejo am Strand in Isla Margarita. Einigi vo de wenige Foeteli mit ihm, wil er sich nid gaern Foetele losst.

Witer gohts raechts obe miteme Monument in Caracas. Kei Ahnig was fuer eins, hauptsach Kultur. Und do unde also Caracas vo obe, isch ziemlich grien doert aber Gebaeude sind in raecht schlechtem Zuestand. Es het vil so Hochhueser wo ussend wie us de 60er wo nie renoviert worde sind, schrecklich. Gaell Nic die lieber mir doch!

Rechts unde waehrend em Match. So, und jetzt isch Rueh. Punkt. +)

..pics vom mai

d'pics sind zwar scho kli älter...

..aber glich no witzig =)

wie gwünscht no paar föteli..

... sin leider nid sehr guet worde... es het au niemerts welle aane heebe =)

Chavez Puppe

Uh ah Chavez no se va....

naja das Thema isch raecht kontrovers. Wenn me dLuett in Venezuela saelber frogt denn sage sie sie haend keini Meinig (will eher negativ und es jo eh nuet bringt drgege zsieh will me denn alles verliert, Job z.B.) oder sie sind drgege oder dass z.T. einigi Sache guet sind und anderi wiederum nid wo er gmacht het. Loemmer's bi daem..

Puppe isch trotzdem geil, het Sensatione verursacht am Flughafe. Dae Kolleg vom Alejo het au anderi Puppene (er isch raecht schraeg, sammlet komischi Sache) wie z.B. vom Busch wo au redet wenn men en druckt (vilicht quietscht er jo au nur).

Venezuela Copa America 2007

So, ihr haend do schoen euri Spielresultat ihnedrucke loh und ich ha do wie versproche no e paar Foeteli uf Lager, ka naemlig im Momaent nid penne, obwohl scho fascht 2 isch..

Vorere Wuche bini jo in Venezuela gse will i mit em Alejandro ha koenne mitgo. Er arbeitet fuer e Tourismusfirma wo so Packages an Reiseagenture verkaufe, also sie stelle se sozsage zaemme. Will sie so Paket fuer dCopa America verkauft haend und jewiels Flugzueg charteret haend, hani also vo Donnschtig bis Sunntig uf Venezuela koenne mitgo (ha natuerlich nid nei gseit). Es isch au alles zahlt gse, usser dr Ihtritt an Match und privati Usgobe. Aber Aesse, Trinke, Flugi, Hotel isch alles inklusive gse. Um euch nid z'langwiele do e Zaemmefassig:

Do, 1. Tag: Flug nach Isla Margarita (natuerlich sind 2 z'spoht ins Flugi ko, und alli haend miesse warte uf die Kaeuz) - Fahrt mit Bus zum Hotel ca. am 2 oder 3 am. Alejo het no alles miesse organisiere und luege dass alles wie geschmiert lauft (het's aber nid, z.B. het er miesse e 2 Zimmer Bett organisiere fuer e Vater und Tochter wo e Honeymoon Suite beko haend und denn haemmer no miesse warte bis alli ihcheckt haend etc. Go penne simmer am 6i, meine Guete mir sind kaputt gse.. Haend mega Hunger ka aber alles zue. Hotelahlag isch e duetschi Ketti gse, all inclusive (bi scho in bessere all-inclusives gse.. ya mon!).

Fr, 2. Tag: Ufstoh am 12i und denn an Reception go was organisiere (ich ha dr Alejo begleitet, als Ahhaengsel) und denn aendlich go aesse. Denne am Strand go spaziere (er isch 50% gschaeftlich am Natel ghange :-S) und denn am 3 Versammlig um uf Shopping Tour zgo (Yuppie... nei, mir sind in e Riese Shopping Mall gange aber trotzdem ok gse). Zruck und go aesse und wieder emol aendlich go penne, voll graederet gse.

Sa, 3. Tag: 5i ufstoh, 5.45 Treffpunkt Reception, natuerlich het eine duregfeschtet und -gsoffe und isch no im Tiefschlof gse. Alejo isch dae go wachruettle und unter duschi stelle und mir wieder alli gwartet. Denn am 7i losgange, Flugi haett soette am 7.15 los isch aber spoeter worde. Naja, wieder warte uf was weiss ich was am Flughafe und denn nach Caracas. Stadttour (fascht alli haend am Schluss pennt im Bus), kurz ins Hilton Hotel, ihcheckt (haend wieder miesse bis am Schluss warte bis alli dure gse sind) kurz ins Zimmer, dusche, und zum Stadium > Es isch ume 3. Platz gange: Uruguay - Mexico, wo Mexico verdient gwunne het. Isch sehr warm und Organisation Katastrophe, ich gang jetzt nid in Details ihne aber hesch koenne froh sieh wenn de ueberhaupt ihneko bisch ins Stadium obwohl de e VIP Ticket ka hesch. Am Schluss isch jede ghockt wo er het welle (und das isch nur 1 Detail). Uebrigens, d'Mannschaft vo Uruguay isch im Hilton gse, sind alli im Ahzug vor em Spiel usegange. Am Obe wo mir sind go znacht aesse sind sie in Usgang chauffiert worde. Denn wieder ab ins Bett, wieder mol graederet.

So, 4. Tag: Wieder 5.30 ufgstande, 6i Reception. Mannschaft vo Uruguay het au grad uscheckt (e paar haend sicher duure gmacht). Diesmol sind au fascht alli mehr oder weniger puenktlich gse. Bus an Flughafe, Flug nach Maracaibo. Direkt mit organisiertem Bus zumene Shopping Mall und drnoch ins Stadium und doert vornedrah e gfeikts Argentinie T-Shirt kauft. Alli sind ihne, ich und dr Alejo haend nach Ihtritt umegfrogt und nachere Chavez Puppe wo dr Alejo emene Kolleg het miesse mitbringe. Wo mir nach dere Puppe gfrogt haend haemmer per Zuefall im Radio ghoert, dass imene Stadium mit Kapazitaet vo 30000 sie 40000 ihnegoh haend und eine het uns gseit dass sie uns fuer ca. 100 Dollar koennen ihneloh, aber nid miteme Ihtritt sondern mit T-Shirts vo so Sponsore und Mobiltelefonverkaeufer im Stadium!!!!!!!!!! Naja, mir haend dankend abglehnt und nachdem mir sogar ufm Schwarzmaert die letschti Puppe verwuetscht haend (er het gseit.. "4 Minute, und ich bsorg dir die Puppe") - dr Alejo het scho gmeint es handlet sich bi dere Puppe ume Mythos will er uf sinere letschte Reis nach Venezuela scho keini het koenne uftriebe - haemer uns entschlosse miteme Taxifahrer e Stadttour z'mache. Uebrigens, die Puppe git e Diskurs ab wenn me sie druckt, genau wie dr Chavez, isch made in China. Will ziemlich vil Fuessballfinal gluegt haend haemmer au freii Bahn ka und nid allzu viel Verkehr. Altstadt - Bruck - Park und "Neustadt" (hets voll brocht, die Stadt het mr gfalle obwohls heisst es sig sehr gfoehrlich!). D'Altstadt isch sehr schoen gse, nur haend doert genau Batterie vo dr Kamera gstreikt. Naja, Batterie kaufe und witer ine kliens Shopping Center um dr Schluss vo dr 2. Halbzyt go luege. Denn zruck vors Stadium und warte, bis alli zum Bus gfunde haend. Also haemmer gwartet, und gwartet, und gwartet uuuuuuuuuund schnarch..... gopferdelli, ueber 2 Std. haemmer uf sone bloeds Paeaerli gwartet wo einfach nid uftaucht isch. Dr einti Bus isch vorus, alli k.o. gse, mir nach 2 Std. au an Flughafe. Ploetzlich tauche die Deppe doert uf. Doert haette mir soette am 11i abfliege aber mir sind bis am 12.3opm doert ghockt. Denn aendlich ihne und abgfloge. Will sie ca. 30 Abflueg gliechzytig kha haend haemmer also wieder miesse warte und sind denn aendlich abgfloge in Richtig Guayaquil, denn waer Quito drahko. Will dr Flughafe aber in Quito am 2am zuemacht haemmer miesse in Guayaquil usstiege und warte. Mir sind so duure gse dass mir scho fascht dopplet gseh haend (kennet ihr doch sicher au vom Paddys!) und imenen 8 in dMure gloffe sind und nur no Scheiss glallt haend und am Lachkraempf ka haend. Denn am 5i haemmer aendlich koenne witer uf Quito. ICH BI SEHR SAELTE SOOOOO FROH GSE WIEDER IN MIM BETT Z'SIEH WIE AN DAEM TAG NUNDE FAHNE.....!!! Isch aber trotz allem super toll gse.

So, jetzt bini au langsam mied isch naemlich doch laenger worde als plant (so wie bim Chavez amigs, hehe)..

Saludos, schnarch..

Dani

Spiele-Resultate vom Di. 24.07.2007

Sali zämme

Do wie versproche d'Resultat vom hütige Obe...

Poker

1st Round:

1. Platz (Chipschlampe) Benedikt
2. 3. 4. Platz (alle gleichzeitig rausgeflogen) Caroline, Patrick, Alain
5. 6. Platz (auch diese beiden gleichzeitig) Iris, Sandra

2nd Round:

1. Platz (Chipschlampe) Caroline (!!!)
2. Platz Patrick
3. Platz Alain
4. Platz Sandra
5. Platz Iris
6. Platz Benedikt

3rd Round:

1. Platz (schon wieder Chipschlampe) Benedikt
2. Platz Sandra
3. Platz Iris
4. Platz Alain
5. 6. Platz (beide) Caroline Patrick


Währenddem die einen draussen waren gabs noch die Spiele Stress und irgend so ein Jass-verschnitt Njet dings...

Stresskönig: Benedikt (wer sonst???)
Njet-bitch: Benedikt, 2. Sandra, 3. Iris

resultat vom 17.7.07

so jetzt schaff ichs ändlich mi itrag do zferewige :-O und das churz vorem nöchste spielobe...

daniela die alte resultat sind leider untergange :-)

alian du hesch zwar immene charte spiel gwunne aber sisch nur (aber immerhin) dr geier gsi...

poker:

chipschlampe: = dominik

franzi

sandra

nicole

pascal

alain

benedikt (us vegetarische gründ)


hols der geier:

alain 56 punkt

benedikt 53 punkt

pascal 45 punkt

jass mit zufalls grundtrumpf:

sandra 221 punkt

pascal 193 punkt

alain 180 punkt

benedikt 145 punkt

sedruner - e jass wome möglichst wenig punkt erspiele set - :

benedikt 42 punkt

alain 113 punkt

sandra 118 punkt

pascal 141 punkt

Schnii schnaa schnitzeljagd

Hey Lüt..
Mir isch grad langwilig dorum sörf ich grad biz im Internet ume. Da ich do drüber im TV letzti mol e Bricht gseh ha, hani dänkt das wär doch au mol öpis für uns:
Geo-Caching. Oder uf dütsch: Schnitzeljagd mit GPS!
könned jo mol uf'd Swiss Geocache Website und euch informiere. Es het rund um Basel einigi Caches (=Versteck) wo me könnt go sueche. Es git eifachi Versteck, do kennt me vo aafang ah d'zielkoordinate, und schwierigeri wo me zerst mues irgendwelchi Rätsel löse zum denn d'zielkoordinate use z'finde. Also ich fänd das no ganz e lustigi sach.. me kunnt biz voruse und het biz bewegig... und spass machts sicher au. Was meinet dir drzue??

Resultat vom Spiele-Obe 17.07.2007

Benedikt.. wo blibsch??? Ich will jetzt do läse könne dass ich in eme Kartespiel gwunne ha!! (dass ich im Poker ziemlig am Aafang usegfloge bi muesch jo nid schribe... =))

Unwätter....

Hallo Zämme...

... hän mr nomol Glück gha hets am Greenfield nur e bizli tröpfelet und e kiehli Brise gä.....

das gestert isch glaub biz heftiger gsi:

do link zum 20min

.. und in quito.........???

wie gsehts denn dört us, heee???

brr... dasch jo fascht so kalt wie 's do gsi isch... GSI!!!! =)

wätterfrosch

schöni ussichte, 29, 32, 35, 35 (!)... summer-summer-summer-time =) !!!

Auch mit dabei!!

Hola hola!

Ha haaaaa jetzt han ich also aendlich usegfunde wie das funktioniert, um mit mine geischtig und physikalisch sehr ahspruchsvolle Blogs bytrage.. Als erschts emol Kongratulatione zu dere Hammer Page, Alain ich haett jo nid daenkt dass de das aernscht gmeint hesch aber hoppla hopp, soett jo eigentlich langsam wuesse dass es so isch.. Also witerhin Kamera mitneh, whenever wherever, und Pics miner Nostalgie uebermittle.

Live us Ecuador, Quito - die Stadt die nie schlaeft! Oder umgekehrt - immer schlaeft? Also ich bis jetzt scho, hami naemlig erscht emol an d'Hoechi miesse gwoehne, un das isch absolut kei Usred (wirklich nid), obwohl ich das no nie so krass gspuehrt ha wie diesmol... Sandra isch Zuege (sunscht isch es ihre immer beschisse gange, sind sicher no Foeteli ume irgendwo.. :-)). Ha do no e Pic ahghaengt, obwohls scho aelter isch und gege spoeter Nomittag ufgnoh worden isch. Typisch Quito halt. Es koemme glieh mehr..

Zruck zu Quito. Do isch alles immer no gliech, usser dass es jedes Johr immer mehr Autos het und me somit e halbi Ewigkeit het, um vom einte Ecke zur andere z'fahre. Viel Staub, Sunne wie gstoert, Wind. Tagsdure isch es heiss, gegen Obe drfuer wieder kalt, oder kaelter uf jede Fall. Die Gegend wo Tourischte in Hostels (siehe weiter unten) unterbrocht sind - Gringolandia gnannt - wird vo Johr zu Johr immer groesser. Das isch au die Zone wo die meischte Bars und Diskos sind. Bi do nonig emol im Irish Pub gse, koennet ihr euch das vorstelle?? Ha sogar usegfunde, dass es mittlerwiele 2 het, oder sogar no mehr.. Drfuer bini in miner absolute Lieblingsdisko gse, BLUES. Am 2. Tag nachdaem ich ahko bi bini mitgschleppt worde zum Feschte und ha 2 Aguardientes, 2 grusigi Ami-Biers called Busch (ka jo nid guet sieh), 2 Cuba Libres und 2 nationali GUETI Bier ka (Pilsener) und bi voll daene gse am Schluss, ha d'Hoechi wieder unterschaetzt, das sitzt do um einiges schneller als in Basel.

Einigi vo euch wuesse, dass mi emol vor nid allzu langer Zyt e ganz e schrecklichs Barcelona Fieber verwuetscht het. Ha also unbedingt e verlaengerts Wuchenaend miesse ihgeh im Gschaeft und kurzerhand e Flug uf Barcelona bueche, um ane Konzert vo Gustavo Certi zgoh. Er isch dr Saenger vonere Gruppe wo sich leider leider ufgloest het (Soda Stereo). Die neuschte News: Sie haend sich wieder vereint voruebergehend um uf Tour zgo durch Suedamerika und diesmol isch sogar Ecuador drby, do in Quito. HAAAAAMMMMMMMERRRRRR!!!!!!!! Das Konzert het mir gfaehlt, sunscht hani die meischte geile Gruppe gse wo ich uf minere Lischte ka ha, e paar sogar mit einige vo euch diesjohr am Greenfield.
www.cerati.com / www.sodastereo.com

Nicole, die Sexy Songs wo du mir abeglade hesch sind dr Hammer, ha so miesse lache bi paar vonene... ich ka mir au grad vorstelle bi welle du fascht abglaege bisch, hehe. Also falls de no meh gueti Musiktips hesch bitte bitte mitteile, ich ka do au glieh downloade.. Do kasch im Fall vo jenste Gruppe MP3 DVDs kaufe wo alli Albe wo sie usebrocht haend drufsind, fuer oepe 5 Dollar. Bi do zwungenermasse im Raggaeton-Fieber, und wenn mir scho drby sind Nic denn lad mol dae do abe: Atrevete vo Calle 13 (isch zwor scho alt aber dr Hammer) und zeigs em Franci anere naechschte Session. Dr Benedikt het mir ins Ohr gflueschteret dass ihr e wuerdige Ersatz fuer mi gfunde haend. Ich bi stolz uf euch, nimm ah es sind alli Kriterie erfuellt worde ;-). Und Alain bisch scho Vize Chipschlampe worde???!! Immer die Novate... witer so! Schloh sie alli!!

Sandra, ich ghoer jetzt au zu dene paar Schnaeuz wo die Ehr ka haend, dae Film Hostel zluege. Uebrigens, Tarantino isch do nur Produzent und nid Regisseur, das isch naemlig Eli Roth. What the f*** does a film producer? "Wikipedia>...He creates the conditions for making movies. The producer initiates, coordinates, supervises and controls matters such as fundraising, hiring key personnel, and arranging for distributors. The producer is involved throughout all phases of the filmmaking process from development to completion of a project...". Mir haend au dr 2. Teil welle kaufe (fuer 1.50 Dollar, sie haend ufgschlafe ufm Schwarzmaert heghhmmm..pssst) und haend en au gluegt, allerdings het uns dae en andere Horrorstreife verkauft, aber in dr Huelle vo Hostal II. Ueber en Inhalt> Isch nid jedermanns Sach, aber ich daenk dass me dae soett luege, bevor me goht go backpacke in irgendwellne 3.Waeltlaender (Urs?), es het naemlich gueg komischi Kaeuz uf dere Waelt. Und e paar Szene in daem Film sind wirklich derb. Ha mi gfrogt, ob es das wirklich git?? Naja, aber ha Saw fascht no elaender gfunde, ha gmeint es isch umgekehrt. Also Pasci, kasch en au ahluege, hesch jo Saw sogar uf Grosslienwand gschafft, hehe... Sandra: du uf kei Fall!!! Ich lueg Hostal II glaub mit miner Grossmueter :-), vo irgendwo muess ich das Bluetruenschtige jo vererbt ha. Grosmueter > Mueter > Ich. Drum bini jo au wieni bi, abartig u.a., also exkuesi nur in Filmsache wohl gemerkt.
www.hostelfilm.com (fuer die wo-s interessiert, oder bi das nur ich?!)

So, jetzt muessi glieh los, mir goend in Jardin, e Shopping Mall um Znachtaesse und e paar Sache fuer dWohnig go ihkaufe. Ihr hocket sicher grad alli im Paddys..... sniff.. vermiss s-Paddys, aaeeeeehhhh euch meini matuerlich, meeeeeeeeeeeeeeeeeeeeeeeeeeeeeeega!!!! Und zwor alli, die ganz Saubandi!!

Un saludo y abrazo gigante gigante para tooodos!!
Dani

üüühhh!!

uiuiui, also ich find.... du bisch biz bleich. kah das sy?????????
dä aazug isch aber no schick.
hey neeeeeei =) gseht fascht so geil us wie ich damals mit eme schluuch im hals hahaha... mir behinderete keibe ;-)
ich penn jetzt no biz vorem compi... vielicht gsehn mr uns jo im msn.. oder vielicht au nid =) seisch wenn y öpis kah mache zum di biz ufheitere... e dvd bringe oder so =)


ahjä, worum ich dä kommentar nid als kommentar gschriebe ha..... sone trottel het anonym als kommentar irgend sone sicherheitslücke usgnützt und biz welle seich mache. ich ha jetzt igstellt dass das nüm goht und ha miesse bi dim letzte post d'kommentarfunktion abschalte damits glöscht wird. nämlig. aber jetzt isch alles wieder OK =)))

frankenschrei

sali, ha mol schnäll e sälbstportrait vo mir gschosse, damit ufm laufende bisch wie ich momentan usgseh. ich gseh übrigens nid nur so us wie frankenstein sondern ich fühl mi au eso. für die wo's nid wüsse, ich ha mir dwisheitszehn lo zieh lo, zwei.. das sind genau zwei zviel. zum glück ha ich ich kei entzündig, und zum glück wirke dschmärzmittel tiptop, und zum glück kunnt gli dr wiehnachtsmaa und dr osterhaas und dr storch.. *kreisch*, ok vergässed dr storch.. übertribe wönn mir jo au nid. und als ob das nid scho gnueg wär ha ich nomol zwei vor mir. irgendwenn. grmpf!

Copa America

Hola mitenander...

geil das lied wo dir dört äne hän.. AH LE LE LE LE LEEEEEEEEE. AH LE LE LE LAAAAAAAAAA... COPA AMERICAAAAAAAAAAAAAA hahaha =))))
Ha vorhär grad Brazil - Chile gluegt... rächt unverdient das 3:0 für BRA. 's erste goal dure frogliche penalty und denn bis am schluss nüt gmacht.... Chile het denn ufgä und no 2 kriegt...
Jetzt lauft grad Mexico - Ecuador hehe.. aber leider spielt mehr Mexico als Ecuador. Jetzt gohts witer, die zweiti Halbzit. Dani, luegsch au?? Falls nid, es stoht grad 1:0 für Mex. Dr Caicedo isch leider nid in dr Start-ufstellig, aber vielicht wird er jo iigwägslet (d'spieler uf dr Bank hän sie nid zeigt)
I mäld mi denn zum Schluss nomol, vielicht... wenn ich nid igschlofe bi...

ouh nei, jetzt isch ecuador eigentlig besser ins spiel koh, aber jetzt in dr 80ste min. isch 's 2:0 für MEX gfalle =(

juhuu aaschlussträffer... nur no 2:1!! gool vo dr Nr. 8 Edison Mendez, aber nur nu 5min reguläri spielzit....

Jä also.. sie häns leider leider nid gschafft.... aber sie hän bis am schluss kämpft!
Wie goht's jetzt witer? sie hän weder e tabälle no sunstwas iibländet.